Fyrsta sorpstríðið?

Það er stundum sagt að stríð hafi að undanförnu meira og minna snúist um olíu, en í framtíðinni muni þau snúast um vatn. Kannski sorpið eigi líka eftir að verða kveikja átaka í framtíðinni? Er þetta bara forsmekkurinn?

Átök í Napólí

Athugasemdir

[Elías Halldór Ágústsson, 7.1.2008 kl. 15:43]

Eftir því sem ég þekki mitt heimafólk í þessari fallegustu borg á jarðríki, þá hafa þeir í gegnum tíðina háð margt stríðið við yfirvöld út af hinu og þessu, en svo er eins og allt renni út í sandinn og allt haldi áfram eins og venjulega, enda hefur þessi borg breyst undarlega lítið í gegnum aldirnar. Sagan af Masaniello er um margt dæmigert fyrir Napólískar uppreisnir.

[Elías Halldór Ágústsson, 7.1.2008 kl. 15:49]

Já, og ég gekk eitt sinn gegnum þorpið Pianura. Fátækari stað hef ég aldrei augum litið. Börn gengu um berfætt og fullorðið fólk virtist ekki eiga til hnífs og skeiðar, sem er óvenjulegt á þessum slóðum, þótt fátækt sé mikil. Heróínsprautur lágu eins og hráviði hér og þar. Götur voru hvorki malbikaðar né lagðar hellusteinum. Nálægt lá hraðbraut sem endaði í miðju lofti þar sem mafíusamtökin Camurra höfðu dregið til sín allt fé sem átti að fara til framkvæmdanna.